Humanity is still alive

Main jab ghar se nikla aur road par pahucha tab kuch nayi cheejo ka Anubhav hua, aap bhi janiye..
Taxi mein ek ladka mila aur uske sath ek aadmi tha. Darashal ladka apne ghar (Gorakhpur) se kamane ke liye 10 din pahle Ludhiana gaya hua tha lekin use koi kaam nahi mil paya. Uske pass jitne bhi paise bache the sab bilkul khatam se ho gaye the. Pata nahi kaise vo manage karke Ayodhya tak pahuch aaya tha lekin Ayodhya mein vo rone laga tabhi ek aadmi uske pass pahucha aur puchha ki kyon ro rahe ho to usne sari kahani batai aur bataya ki use Gorakhpur jana hai. Sanyog se us aadmi ko bhi Gorakhpur jana tha esliye us aadmi ne kharche Ki parvah kiye bina hi usko apne sath le liya. Sari ghatna ka pata mujhe saphar ke dauran hua kyonki main bhi basti hi ja raha tha.

Raste mein bus conductor ne us ladke ko khana khilaya aur santvana bhi di. Ab en sabhi cheejo ko dekhkar ye baat saamne aayi ki Insaniyat abhi bhi jinda hai. Log ek dusre ka sath abhi bhi dete hain. Kewal khoon ka rishta sab kuch nahi hota hai balki bhavnao ka bhi rishta mayene rakhta hai.
Logo ko ye sochna chahiye ki kabhi bhi unko koi pareshan dikhe to use us pareshani ka karan jarur puchhe.
"Kuch es kadar maine khushiyan pai hai ki gairo ki madad karke sukoon dil mein aayi hai."