Aaj din 19/01/2017 ko meri mulakat aise sakhsiyat se hui jinko log Dr.Shukla ke naam se jante hain. Main jab medicine lene ke liye unke clinic par pahucha to ve dhoop mein baith kar Newspaper padh rahe the. Kuch hamari unse bate hui aur bato ka silsila aage badha. Unhone bataya ki jab ve 3 saal ke the tabhi unke pita ji ka swargvaas ho gaya esliye unki shiksha unke chacha ji ne dilwayi aur unhone poori imandari se padhai ki aur logo ki 40 salo tak Ayodhya mein seva ki aur aaj ve Ayodhya mein hi rahte hain. Jab unhone ayodhya mein makan liya aur apne baccho ke sath shift hue to unhone apni wife ke sath milkar ye sankalp liya ki makan mein marammat na karke ve baccho ko padhayenge. Esliye unhone television tak nahi khareeda aur baccho ko padhya aur aaj unke sare baccho ko acche-2 post par job mil gayi aur sabhi ki marriage bhi ho gayi hai.
Jab unse maine poochha ab aapne aage kya socha hai to unhe bataya ki ek hospital kholne wale hain aur garibo ki seva karenge.
Unki najre logo ko pahchan leti hain ki kaun kaisa hai. Aisi ek ghatna hui ki ek bar ek student unke pass aaya room ke silsile mein to unhone us bacche ko free mein room dilwaya aur vahi baccha aaj acche post par hain. Ye baat jab unhe maloom chali to unko bahut khushi hui jaise ki unka koi apna mukam hasil kar liya ho.
No comments:
Post a Comment