Bakaiti Chai ki dukan se facebook ke shop tak || Meri Jhallahat ||

Ye mere swayam ke vichar hain yadi kisi ko bura lag jaye to bhai unka kya kiya ja sakta hai, ve dekhe apna.. J

Darashal kai dino se soch raha tha ki likhu ki na likhu par aaj likh hi dala hain nahi to…

Baat ye hai ki gaon mein jaisa ki hota nahi hai kuch sasuro ke pass time bahut hota hai kyonki ve mehnat agar kar dein to bade aadmi na ban jayein…Ve karte ka hain ki ghar se banthan ke nikalkar kisi #chai ki dukan par ja baithte hain aur unki tarah kuch aur bhi budhijeevi pahuch hi jate hain jaise #cheetiyan meethe cheejo ko sunghte-sunghte aa dhamakti hain..Ve sabhi chai khareedte hain aur unke #Parliament ki karvahi start ho jati hai jisme koi phala sarkar ko girane ki baat karta hai to koi sarkar ko nasihat pe nasihat de dalta hai…

Aise chillane lagte hain sasure ki ab to World War-III ho hi jayega kuch ghanto mein…phir aap log jante hi hain ki aage kya hota hai, Sasuro ka time es bakaiti mein beet jata hai aur #krich tight karke sab ghar chale jate hain..En sab cheejo ka kya result mila unko pata hai apko..?

Jawab aata hai Sunn bata Sannata..

Ye baat ho gayi prabuddh logo ki..ab jamana badal raha hai to kuch badlav bhi aana behad jaruri hai..jaruri hai ki nahi…..Badlav akhirkar aa hi gaya aur en sab cheejo ka ho gaya adhunikikaran.

Ab aise log na jo #bakaiti pelte hain ve #Facebook par ki ka bataon bhai…Sasure aisa-aisa post dalte hain ki ab to sarkar gir-giri-giri-giri dekho ab to gir hi gayi, lekin aisa kuch nahi hota hai…Ek glass #Baap pani mangle to sasuro ki Nani marne lagti hain lekin #desh ki Fikr inko facebook par hi satati hai..

                          Jab 10^th class mein maine facebook join kiya to aisi bakaiti thi nahi par ab sala baccha-baccha aisa post dalta hai ki bolu usko ki beta abhi padhne ki umar hai padh le tu…Aur haan sabse badi baat ye hai ki sangat ka asar aap jante hi hain na..main bhi esse nahi bach paya lekin jab #jago_tabhi_savera_na_ghar_tera_na_ghar_mera_

Phir usi baat par aate hain ki jo ye facebook ko facebook nahi rahne de rahe hain esko facewash banane par tule hain aisa na karein please…Aise log jo abhi jimmedariyon se door hain raat-raat mein 2-3 baje tak bakaiti pele pade rahte hain aur subah uthte hain 6 baje ? Na bhai na 6 mein 6 aur jod do..samjh gaye na..?

Bhai badi jhallahat hoti hai mujhe aur mere jaise ko…kuch log soch rahe honge sale to facebook chhod kyon nahi deta..to unke liye kahe chhod doon be.. J

Bhaiya aisa logo se mera hath jodkar vinamr nivedan hai ki yadi apko sarkar se ya kisi se koi problem hai to facebook par #bhadas nikalne se accha #complain karein legally..aur haan jate-2 ek aur baat facebook ko kewal #enjoyment ke purpose se use kijiye janab..Dhanyavaad!

Share kar dena jara auro ko bhi meri jhallahat ka pata chale..

Instagram- ayush_jaiswal_12