My Visit to village-

2017 lagne wala tha aur meri chhuttiyan chal rahi thi esliye main ghoomne ka shaukeen hone ke karan apne gaon gaya tha. Meri aadat hai ki main kuch naya jaanne ke liye naya rasta chunta hoon esliye es baar maine gaon ke beech ka rasta chuna. To chaliye jante hain kuch naya.

Sabse pahle sari packing kar liya main uske baad apni bike saaph ki aur helmet pahen kar nikal pada gaon ke liye. Vaise to bike tej chalane mein aanad ki anubhooti hoti hai lekin es baar aisa nahi tha. Raste par main tha aur aane-jane wale log. Gaon wale raste par gujarte vakt kisan dikhe mehnat karte hue. Aur aage badhne par chhote-chhote bacche khelte hue mile jinke chehre par khushi ka bhav jhalak raha tha. Kacche-pakke ghar dikhe aur bujurg dada ji log. Abhi bahut badlav aana baki hai gaon mein bhi, logo tak suvidha ka abhav bhi dikha. Yah baat mujhe saaph ho gaya ki mera Hindustan abhi bhi gaon mein basta hai. Aage meri bike chalti rahi aur main apne dadi ke pass pahuch gaya. Unka vo sneh mujhe gadad kar diya.